Şairin könül dünyası

Görkəmli şair, “yeni dövr Azərbaycan şeirində vətəndaşlıq lirikasının əsas yaradıcılarından biri (akad. İ.Həbibbəyli), ədəbiyyatşünas alim, pedaqoq, filologiya üzrə fəlsəfə doktoru Xanəli Kərimlinin anadan olmasının 70 illiyinə həsr olunmuş bu topluda onun ümumi yaradıcılığına, ayrı-ayrı kitablarına və əsərlərinə həsr olmuş elmi, şəxsiyyətindən bəhs edən publisistik məqalələr, müxtəlif illərdə mətbuata verdiyi müsahibələr, qələm dostlarının yazdıqları ithaflar, məqalələrdən sətirlər və xəbərlər toplanıb. Bu materiallar ömrünün müdriklik dövrünü yaşayan müəllifin insan və yaradıcı kimi portretinin tamamlamağa yardım edəcək. Kitab çağdaş ədəbiyyatımızı araşdıranlar, magistrantlar və tələbələr üçün maraq doğuracaq.