Qadın Kimi Davran, KİŞİ KİMİ DÜŞÜN

KİŞİLƏR VƏ ONLARLA MÜNASİBƏT HAQQINDA NƏLƏRİ BİLMƏK LAZIMDIR İyirmi ildən artıqdır ki, mən insanları əyləndirib, onları öz-özlərinə, bir-birilərinə, öz ailələrinə, dostlarına və əlbəttə ki, ehtiraslarına, seksə və cinslərarası münasibətlərə gülməyə məcbur etməklə həyatda öz dolanışığımı təmin edirəm. Mənim yumorumun əsasını həyat həqiqətləri təşkil edir. O isə həyat təcrübəsi, müşahidələr, adamları və ətraf aləmi öyrənib dərk etməklə qazanılan müdrikliklə həmişə zəngindir. Belə deyirlər ki, mənim zarafatlarım insanlar arasında geniş əks-səda doğurur, çünki adamlar onlarda, xüsusən də qadın və kişi münasibətlərindən bəhs edən mövzularda özlərini görürlər. Mən həmişə ona təəccüblənirəm ki, əksər insanlar bu zarafatlar haqqında danışır, fikir yürüdür, oxuyur və soruşurlar, hətta oradakı münasibətləri, onları inkişaf etdirməklə bağlı heç bir təsəvvürləri olmasa da, qızışdırırlar. Mən Allahın bizə bəxş etdiyi bu yer üzündə gəzdiyim müddətdə bir sıra maraqlı nəticələrə gəldim: a) qadınların əksəriyyəti kişiləri ümumiyyətlə, başa düşmür, b) kişilərin əlindən çox şey çıxır, çünki onların qadınları sonacan onları anlaya bilmirlər, c) mən vəziyyəti dəyişə biləcək qiymətli informasiyalara malikəm.