ONUN KİMİ BİR QADIN

Ömrünün 39 ilini 5-ci avenyudakı bir binada mexaniki liftdə çalışmağa həsr edən hindli Dipak sakinlərin ən məhrəm sirlərinə bələd olsa da, bunları gizli tutmağı da bacarır. Özünün də etiraf etdiyi kimi: “Onun iki imanı var: bunların biri hinduizmdirsə, digəri də nəzakətdir. Uzun illər öncə usta kriketçi olmasına rəğmən Dipak öz gələcək idman karyerasını daha yüksək təbəqədən olan Laliyə bəslədiyi dərin sevgiyə qurban verir, qızın ailəsinin hədə-qorxuları ucbatından gənclər okeanın o tayına – ABŞ-a qaçırlar. Ailəsini saxlamaqdan ötrü o, liftçi işləməyə razı olur və beləcə, aradan onillər keçir. Romanın ilk səhifələrində Lalinin qardaşı oğlu Sancay gənc bir iş adamı kimi Nyu-Yorka gəlir. Burada o öz layihəsi üçün sərmayədarlar axtarır. Dipakın gecə növbəsi üzrə həmkarı Rivera pilləkəndən yıxılıb, xəstəxanaya düşəndə Sancay bir neçə günlüyə onu əvəz etməyə razı olur... və xidmət etdiyi binada Kloyenin simasında özünün məsum sevgisini tapır. Tanınmış fransız yazarı Mark Levinin növbəti romanındakı digər maraqlı məqamlar əlinizdəki bu kitabda özünün həm real, həm də romantik əksini tapıb. Oxumağa dəyər! Uzun illərdən bəri həyatımın şəriki və hər anımın sevinci saydığım övladlarım, sizə həsr edirəm.