Kiçik ölkə

Yadımda qalanı budur, palıd masanın arxasında oturan adam siyirmədən iki vərəq çıxarıb mənə üz tutub gülümsəyərək dedi: bu, – barmağını soldakı vərəqin üstünə basdı, – pravoslav kilsəsindən xaric edilməyinə dair ərizədir. Əgər xalqdan və kilsədən açıq şəkildə üzr istəməsən, müqəddəs Sinod mətni üzə çıxarmalı olacaq, bundan sonra isə səni xaric etmə proseduru başlayacaq. Bu vərəqdə sənin barəndə belə yazılıb: “Canlı Tanrını və ana kilsənin qanunlarını inkar edir, dindarların hisslərinə gülür, pravoslav bəndələrin inancına söyür və pravoslav müqəddəsləri və müqəddəslər sırasına aid edilmiş əcdadların ruhunu təhqir edir. Burda isə, – bu dəfə barmağını sağdakı vərəqin üstünə qoydu, – müqəddəs Sinod səni xalq və kilsə tərəfindən əfv edilmiş “sapqın övlad adlandırır.