Идель (на татарском языке) №05/2026

Май саны тышлыгында – «Яз гүзәле» проекты командасы. Кызлар белән бәйгедәге мөмкинлекләр, эш процессында катлаулы моментлар һәм чын татар кызына хас сыйфатлар турында сөйләштек. Бу санда зәвыкка күп урын бирдек – стилист белән җәй айларында егетләргә ниләр киергә икәнен сөйләштек. Күп фотолар белән зәвыклы материал килеп чыкты! Театрны да читтә калдырмадык – К. Тинчурин театрының яңа «Чорма» коллекциясе һәм Г.Кариев театрының сериалы турында яздык. Шулай ук Г.Камал театрында режиссер ярдәмчесе булып эшләүче Гөлүсә Раупова белән әңгәмә әзерләдек – бу һөнәрнең нечкәлекләре, эштәге иң стресслы вакыйга һәм кайсы режиссер белән эшләргә яратуы турында сөйләдек. Әдәбият сәхифәсендә шагыйрь Булат Ибраһим белән әңгәмә әзерләдек – яшьләр аңа иҗат, шәхес, әдәбият турында сораулар бирде. Бу – журналдагы шәп материалларның бер өлеше генә, рәхәтләнеп укы!